Бір дегенің – бақбақ,
Санамақты ал жаттап!
Екі дегенің – емен,
Әркез ойлан терең!
Үш дегенің – үлбірек,
Кішіге жүр үлгі боп!
Төрт дегенің – тары,
Жаманнан жүр ары!
Бес дегенің – бидай,
Жақсыны жүр сыйлай!
Алты дегенің – алма,
Біреудің затын алма!
Жеті дегенің – жиде,
Жазықсызға тиме!
Сегіз дегенің – сәбіз,
Адал болу парыз.
Тоғыз дегенің – тұт,
Үлкенді үлгі тұт!
Он дегенің – орман,
Еліңе бол қорған!
Жануарлар жайлы санамақ:
Бір дегенің – бөкен,
Түзді еткен мекен.
Екі дегенің – ешкі,
Лағы ерке, есті.
Үш дегенің – үлек,
Көкті тұрар тіреп.
Төрт дегенің – түлкі
Езуінде күлкі.
Бес дегенің – бұғы,
Мүйізі үлкен, ірі.
Алты дегенің – арқар,
Тау үстінде жортар.
Жеті дегенің – жылқы,
Сұлу дене тұрқы.
Сегіз дегенің – сиыр,
Сүтіне бәрі үйір.
Тоғыз дегенің – түйе,
Мол салмаққа ие.
Он дегенің – орқоян,
Еті өте мол қоян.
Балық жайлы санамақ
Бір дегенің – балық,
Ауладым қармақ салып.
Екі дегенің – елең,
Жүзеді екен терең.
Үш дегенің – үскіш,
Суда жылдам жүзгіш.
Төрт дегенің – тісті,
Бір қайнаса пісті.
Бес дегенің – бекіре,
Бәрі құмар етіне.
Алты дегенің – ақбалық,
Талай ыстап, қақтадық.
Жеті дегенің – жайын,
Жемесең жейсің уайым.
Сегіз дегенің – сазан,
Толсын оған қазан.
Тоғыз дегенің – торта,
Қайнатсаң нағыз – сорпа.
Он дегенің – оңғақ,
Он саусағым толды-ақ.
Балық жайлы өстіп
Бердім саған талдап.
Құстар жайлы санамақ
Бір дегенің – бірқазан,
Еті болар бір қазан.
Екі дегенің – ементұмсық,
Сүйекті шағып, жеген тұмсық.
Үш дегенің – үйрек,
Жүзген ізі ирек.
Төрт дегенің – тауық,
Жұмыртқа берер тауып.
Бес дегенің – бүркіт,
Жемтігін жеңер жұлқып.
Алты дегенің – аққу,
Салған әні гәкку.
Жеті дегенің – жалбағай,
Тұмсығы ұзын пальмадай.
Сегіз дегенің – сұңқар,
Аң аулауға іңкәр.
Тоғыз дегенің – тауыс,
Көркем бейне мен дауыс.
Он дегенің – оқпан,
Тұмсығы өткір оқтан.
Ержеңіс Әбді
Жылдам ақпарат алу үшін Facebook, Instagram желілері мен Telegram каналымызға жазылыңыз!