Сыбайлас жемқорлық – қоғамның қас жауы

Сыбайлас жемқорлық – мемлекет пен қоғамның дамуына айтарлықтай кедергі келтіретін, қоғамдық сенім мен әділдікке нұқсан келтіретін күрделі құбылыс. Ол мем­лекеттік басқарудың тиімділігіне, эко­номикаға, әлеуметтік тұрақтылыққа және жалпы азаматтардың өмір сапасына теріс әсер етеді. Сыбайлас жемқорлықпен күресу – тек қана мемлекеттік органдардың емес, қоғамның ортақ міндеті.

Талсуат ауылдық округінде осы мәселеге байланысты бірқатар маңызды іс-шаралар өткізілді. Қазақстан Республикасының «Сы­байлас жемқорлыққа қарсы іс-қимыл туралы» заңы аясында қызметкерлерге түсін­дірме жұмыстары жүргізілді. Соны­мен қатар «Мемлекеттік қызметтегі мүдде­лер қақтығысы», «Сыбайлас жемқорлық қоғам дерті» тақырыптарында мекемелер арасында кездесу ұйымдастырылып, «Мем­лекеттік сатып алу саласындағы заң­на­маны сақтау» мен бюджеттік заң­на­маларға қатысты арнайы семинар өткі­зілді. Қызметкерлерге сыбай­лас жем­­қорлыққа қарсы күрес бойынша видео­ролик көрсетіліп, ақпараттық түсі­нік­теме берілді. Жиналыстар барысында қызметкерлерге пара алмау, бермеу және сыбайлас жемқорлықтың кез келген көрі­нісіне жол бермеу ескер­тілді. Меке­меде сыбайлас жемқорлықтың алдын алу мақсатында арнайы бұрыш жасалды. Ғима­раттың кіре берісінде өтініштер мен ұсыныстар жәшігі және Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агентігінің «CALL center 1424» байланыс нөмірлері жазылған ақпараттық кітапшалар орналастырылды. Бұл шаралар мекемеде ашықтықты қамтамасыз етіп, сыбайлас жемқорлыққа қарсы күресті тиімді жүргізуге бағытталған.

Ауылдық округтің А.Құнанбаев көшесіне «Жемқорлық – біздің заманы­мыздың ең үлкен індеті» тақырыбында бильборд орнатылды.

Талсуат ауылдық округінің әкімі аппа­ра­тында сыбайлас жемқорлықты анықтау бойынша талдау жұмысы жылына бір рет жүргізіледі.

Сыбайлас жемқорлық – індет. Онымен күресу – тек құқық қорғау органдарының ғана емес, барша қоғам міндеті.

Әрбір азамат заңға бағынуға, пара бермеуге және алмауға, әділеттілік пен адалдық қағидаларын ұстануға тиіс. Бұл – болашақтың алдында, жас ұрпақтың алдында біздің азаматтық, адамгершілік борышымыз.

Біз тек бірге әрекет еткенде ғана таза қоғамды, парасыз болашақты құра аламыз. Әр жүректе адалдық ұстанымы мызғымас ұранға айналуы тиіс. Сыбайлас жемқорлықпен күрес науқан емес, мәңгілік миссия.

Ерлан Бейсенбаев,

Талсуат ауылдық округінің әкімі

Жылдам ақпарат алу үшін Facebook, Instagram желілері мен Telegram каналымызға жазылыңыз!