8 наурыз – халықаралық әйелдер мерекесі қарсаңында «Qyzylorda» телеарнасының шеф редакторы Айнұр Тұңғышбаеваны Ақордада Мемлекет басшысы «Ерен еңбегі үшін» медалімен марапаттады. Айнұр Тұңғышбаеваны көпшілікке таныстырудың өзі артық. Журналистикадағы еңбек жолында «Ақмешіт апталығы», облыстық «Сыр бойы» газетінде еңбек етіп, ұшқыр қаламымен, өткір де ойлы мақалаларын оқырманы іздеп жүріп оқыса, қазір облыстық телеарнада «Үштаған» сараптамалық бағдарламасын көрермен қалт жібермей көреді. Есімі елге белгілі тәжірибелі журналист ретінде кейінгі буынға берері мол Айнұр Нұрланқызының кеудесінде жарқыраған «Ерен еңбегі үшін» медалі Сыр журналистикасына берілген баға деп білеміз. Әріптесіміздің марапаты құтты болсын! Сыр журналистикасының абыройы арта берсін!
Жылдам ақпарат алу үшін Facebook, Instagram желілері мен Telegram каналымызға жазылыңыз!