Биыл жаңа жобалардың жемісін тұрғындар көре бастады. Халыққа қолайлы жағдай жасау мақсатында қала ішіндегі басты жолдар жөделді. Сонымен қатар көпір құрылыстары да қарқын алды. Жоспарға сәйкес, Қызылөзек ауылдық округінде апатты жағдайда тұрған «Қожақ» автомобиль көпірі қайта жаңғыртудан өтті.
Қала күні мерекесі қарсаңында жаңа көпір
пайдалануға берілді.
Ел игілігі үшін салынған нысанның ашылуына қала әкімі Нұржан Ахатов және ардагерлер, зиялы қауым өкілдері қатысты.
– Бұл көпірге жөндеу жұмыстарын жүргізу қажеттілігі туралы жиі айтылып келді. Сіздердің сол талап-тілектеріңіз бүгін орындалды. Аймақ басшысының қолдауымен облыстық бюджеттен 300 млн теңгеге жуық қаржы бөлініп, көпір қайта жаңғыртылды. Жаңарған көпір игіліктеріңізге қызмет етсін, – деді қала әкімі Н.Ахатов.
Салтанатты шарада жаңғырту жұмыстарын жүргізген мердігер мекеме «N Строй Сервис» ЖШС қызметкерлеріне қала әкімінің Алғыс хаты табысталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!