Жамбыл облысында болған атыс салдарынан төрт адам жараланған. Олар 29 шілде күні кешкі сағат 21:30 шамасында Мойынқұм аудандық ауруханасына жеткізілген, деп хабарлайды Egemen.kz.
Облыстық полиция департаментінің алдын ала мәліметі бойынша, жәбірленушілер жарақатты травматикалық қарудан алған. Аталған дерек бойынша қылмыстық іс қозғалған.
Қазіргі уақытта полиция қызметкерлері оқиғаның мән-жайын анықтау үшін жедел-іздестіру және тергеу шараларын жүргізіп жатыр.
Айта кетейік, соңғы үш жылда қазақстандықтар 4 мыңға жуық қаруды ерікті түрде тапсырған.
Жылдам ақпарат алу үшін Facebook, Instagram желілері мен Telegram каналымызға жазылыңыз!