Полиция қызметкерлері 3 демалыс орнын тексеріп, жеңгетайлықпен айналысқандарды қамауға алды
Қызылордада жезөкшелік қызмет ұсынған «жеңгетайлар» ұсталды деп хабарлайды «aqmeshit-aptalygy.kz» «sputnik.kz»-ке сілтеме жасап.
Полицияға демалыс орындарының клиенттеріне жезөкшелік қызмет ұсынылатыны туралы хабар түскен. Осыған орай Қызылорда полиция басқармасының жедел уәкілдері қала орталығындағы 3 демалыс орнын тексеріп, жезөкшелікпен айналысқандарды ұстады.
«Қазіргі таңда сотқа дейінгі тергеп-тексеру амалдары жүргізіліп жатыр. Тергеу барысында оқиғаның толық мән-жайы анықталады. Ал жезөкшелікпен айналысқан қыздар тіркеуге алынды», – деп хабарлады қалалық полиция басқармасының баспасөз қызметі.
Айта кетері, өңірде осы жылдың 22 қарашасынан 1 желтоқсанға дейінгі аралықта «Стоп трафик» жедел алдын алу шарасы жүргізіліп жатыр. Операцияның басты мақсаты – адам саудасына байланысты қылмыстарды ашуға және ескертуге бағытталған.
Жылдам ақпарат алу үшін Facebook, Instagram желілері мен Telegram каналымызға жазылыңыз!