Ұлттық мереке – Республика күнінде Мемлекет басшысы Қасым-Жомарт Тоқаевтың қатысуымен «Ақорда» резиденциясының алдында Мемлекеттік ту көтеру рәсімі өтті.
«Бір тудың астында» атты жалпыұлттық патриоттар акциясына сырбойылықтар да қатысты.
«Рәміздер алаңы» аумағында өткен шараға 2000-нан аса тұрғын жиналды. Зиялы қауым өкілдері және аймақтық құқық қорғау органдарының басшылары, мемлекеттік қызметшілер, үкіметтік емес ұйым өкілдері белсенді жастар көпшілікті отаншылдық сезімге бөледі. Бір мезетте мемлекеттік рәмізіміз Туды көтеріп, әнұран шырқалды. Мұндай көрініс қала тұрғындарына патриоттық рух сыйлады.
Облыс әкімі Нұрлыбек Нәлібаев елордада бастау алған патриоттық акция Сыр елінде қолдау тапқанын атап өтіп, жерлестерді Республика күнімен құттықтады.
Патриоттық шарада мемлекеттік органдарға жаңадан жұмысқа қабылданған жас мемлекеттік қызметкерлер салтанатты түрде ант берді.
Ұлттық мерекеге арналған жиын патриоттық әндер мен авто, мотошерумен аяқталды.
Республика күні қарсаңында аймақта бес бағытта түрлі мәдени шаралар ұйымдастырылды. Облыс, аудан орталықтарында түрлі әлеуметтік нысандар ашылып, ел игілігіне пайдалануға берілді.
Жылдам ақпарат алу үшін Facebook, Instagram желілері мен Telegram каналымызға жазылыңыз!