А. Тоқмағанбетов атындағы мәдениет үйінде кәсіптік және техникалық білім беру ұйымдарының студенттері арасында «Мамандығым-болашағым» атты қалалық өнер байқауы өтті.
Президент Қасым-Жомарт Тоқаевтың 2025 жылды «Жұмысшы мамандықтар жылы» деп жариялағанына орай, жұмысшы мамандықтарды дәріптеу арқылы қоғамда еңбекқор және нағыз кәсіби маман болу идеясын насихаттау, адал әрі табанды еңбегімен табысқа жетіп, құрметті, сыйлы болуға тәрбиелеу, нағыз өнерліні тану мақсатында ұйымдастырылған өнер байқаудың алғы сөзін Қызылорда қаласының мәдениет және тілдерді дамыту бөлімінің басшысы Жағыпар Тажмаханов алып, қатысушыларға сәттілік тіледі.
3 кезеңнен тұратын өнер додасында кәсіптік және техникалық білім беру ұйымдарының 14 студенті бақ сынады. «Қалалық мәдениет Үйі, клубтар және халықтық ұжымдар» мемлекеттік коммуналдық қазыналық кәсіпорын директорының орынбасары Мейрамбек Нұртаза, Қызылорда облысының білім басқармасының Тәрбие, спорт және қосымша білім беру орталығының педагогикалық оқытуды ұйымдастыру бөлімінің әдіскері Әсел Нұралықызы, қалалық мәдениет үйі, «Мәдени іс-шаралар және халықтың бос уақытын тиімді өткізуді ұйымдастыру» бөлімінің әдіскері, ақын Ғабит Кәдірбай қазылық етті.
Байқау нәтижесінде І орынды Текей батыр Қарпықұлы атындағы жоғары колледжінің студенті Алина Досхожаева, ІІ орынды «Болашақ» университетінің жоғары колледжінің студенті Қарақат Қарабатырова, ІІІ орынды «Абылай хан» атындағы жоғары колледжінен Нұрай Тлеген иеленді. Жалаңтөс Баһадүр Сейтқұлұлы атындағы олимпиадалық резервтің облыстық мамандандырылған мектеп-интернат – колледжінен Әбілмансұр Әзтай «Көрермен көзайымы» номинациясымен, Смағұл Ысқақов атындағы Қызылорда құрылыс және бизнес колледжінен Нұрхан Қадырхан «Ұшқыр ой» номинациясын иеленді. Барлық қатысушылар алғыс хатпен және сыйлықтармен марапатталды.
Жылдам ақпарат алу үшін Facebook, Instagram желілері мен Telegram каналымызға жазылыңыз!