Қызылорда қаласының әкімі Асылбек Шаменовтың Қазақстан Республикасы Президентінің Жарлығына сәйкес, 2022 жылдың IV тоқсанындағы халықпен кезекті кездесуі Қосшыңырау, Қарауылтөбе және Ақжарма ауылдық округтерінде жалғасты.
Тұрғындар кездесуде ішкі көшелерді асфальттау, жайылымдық жерлер, жарықтандыру, ауыз су, көгілдір отын желісін жүргізу, электр бағаналарын жаңарту сияқты өзекті мәселелерді көтеріп, шаһар басшысына өтініш-тілектерін жеткізді.
Шаһар басшысы Асылбек Өмірбекұлы айтылған ұсыныс-пікірлерді мұқият тыңдап, қойылған барлық сұрақтарға жауап берді және әрбір ұсынысты үнемі назарда ұстап, олардың шешілу жолдарын қарастыратынын жеткізді.
Айта кету керек, келер жылы Қосшыңырау ауылын газдандыру жобасы бастау алмақ. Оған республикалық бюджеттен арнайы қаржы бөлініп, қазіргі кезде конкурстық жұмыстардың құжаттамалары әзірленуде.
Ал Қарауылтөбе ауылдық округінде құрылысы басталған ауылдық клуб үйі келер жылдың басында пайдалануға беріледі деген жоспар бар. Сонымен қатар, елді мекеннің тұрғындар жаңадан қоныстанған аумақтарының электр желілері де жаңартылады.
Ал, Ақжарма ауылында жаңадан амбулатория салынады. Келер жылдың еншісіндегі бұл жұмыстар бойынша құжаттар рәсімделуде.
А.БІРКЕНОВ
Жылдам ақпарат алу үшін Facebook, Instagram желілері мен Telegram каналымызға жазылыңыз!