Қарауылтөбе ауылдық округі әкімінің міндетін атқарушы Қойшыбай Жүсіпов бұқаралық ақпарат құралдарының өкілдеріне өткен жылы ауылдық округ көлемінде атқарылған жұмыстар мен алдағы жоспарлар бойынша баспасөз конференциясын өткізді.
– Өткен жылы ауылдық округтің жаңа қоныс аумағындағы 7 көшесіне жаяу жүргіншілер жолы салынып, А. Құнанбаев көшесінің бойы жарықтандырылды. Ал, биыл 4 жоба жүзеге асыралады. Атап айтқанда, электр желілерін реконструкциялау, дәрігерлік амбулатория құрылысы, С.Байсейітов көшесіне балалар ойын алаңын салу, жаңадан қоныстанушы аумақтағы 5 көшені жарықтандыру жұмыстары енгізілген, – деді ауылдық округ әкімінің міндетін атқарушы Қойшыбай Жалғасұлы.
Жалпы, ауылдық округте 131 кәсіпкерлік нысан жұмыс істеуде. Ауыл тұрғындары мемлекеттік бағдарламалар аясында бірқатар жобалар ұсынып, нәтижесінде кәсіп бастағандар қатары 12-ге толықты. Яғни, «Іскер» бағдарламасы аясында 5 жоба қаржыландырылса, «Аграрлық несие корпорациясы» бағдарламасы аясында 1 жоба және «Ауыл аманаты» жобасы аясында 1 жоба мақұлданды. «Сырдария-1» несие серіктестігі арқылы 3 жоба қолдау тапты. Бұдан бөлек, Жаңа бизнес идеяларды іске асыруға арналған бағдарлама аясында 10 жоба мемлекеттік грантқа ие болды.
Жылдам ақпарат алу үшін Facebook, Instagram желілері мен Telegram каналымызға жазылыңыз!