Халықтың қаржылық сауатын арттыруға бағытталған «Қарызсыз қоғам» жобасы аясында қаржы сарапшылары несие мерзімі 90 күннен асып кеткен азаматтарға тегін құқықтық кеңестер береді, білімін жетілдіреді.
Алғашқы оқу курсы 17 ақпан күні сағат 10.00де Роза Бағланова көшесі, №5 үй, Ашық университетінде (3-қабаттағы мәжіліс залы) өткізіледі. Аталған оқу курсына несие бойынша берешегі бар, борышкерлер тізімінде тұрған, несиесін уақытында төлемеген азаматтар келсе болады. Тренинг қаржылық сауаттылық деңгейін көтергісі келетіндерге, өз қаражатын ұтымды пайдаланғысы келетіндерге, сондай-ақ өз ісін немесе бизнесін ашқысы келетіндерге және қаржы туралы білімге мұқтаж адамдарға пайдалы болмақ.
Қатысушылардың өтініші мен тілегі бойынша әртүрлі заңгерлік кеңестер беріледі. Тренингтер аяқталған соң қатысушыларға сертификат және әрі қарай өз бетінше жұмыс істеу үшін жұмыс дәптері беріледі. Мұнда берілген сертификат қаржы сарапшысының жыл сайынғы тегін қолдауына және заңгерлік кеңестерін алуға құқық береді.
Жылдам ақпарат алу үшін Facebook, Instagram желілері мен Telegram каналымызға жазылыңыз!