12 тамыз – Халықаралық жастар күніне бағытталған 10 күндіктің қорытынды шарасы «Жастармен бірге» Open air мерекелік шарасымен қорытыланды.
Ұлттық жастар онкүндігі әр күні арнайы тақырыптармен бекітіліп, облыс көлемінде атап өтілді. Атап айтқанда «Таза Қазақстан» экологиялық акциясы, «Жас келсе, іске!», «Денсаулық – зор байлық», «Ғылым таппай, мақтанба» «Мейірімділік мекені», «Адал азамат», «Еңбек бәрін де жеңбек, «Ыстық қайрат, нұрлы ақыл, жылы жүрек», «Қорған 24», «Жастармен бірге» тақырыптар аясында жалпы 385 шара ұйымдастырылып, 50 мыңға жуық жастар қамтылды.
Облыс орталығында өткен Open air жастар фестивалі барысында облыс әкімінің орынбасары Шахмардан Асқарұлы 4 жасқа ҚР Мәдениет және ақпарат министрлігінің, 10 жасқа облыс әкімінің алғыс хатын табыстап, «Тәуелсіздік ұрпақтары» облыстық сайысының 6 жеңімпазын марапаттады.
Жоғары деңгейде өткен ауқымды іс-шараны белгілі шоумендер Нұрлыбек пен Ақылбек жүргізіп, еліміздің танымал өнер жұлдыздары Ilhan және Baha жастарға керемет мерекелік көңіл күй сыйлады. Шараға 3 мыңға жуық жас қатысты.
жастаркүні #syrjastary
Жылдам ақпарат алу үшін Facebook, Instagram желілері мен Telegram каналымызға жазылыңыз!