Қылмыстық-атқару жүйесі мекемелерінің психология қызметтерін жетілдіру бойынша сотталғандарға психологиялық көмек беруді күшейтуге негізделген іс-шаралар жоспарға сәйкес атқарылуда. №60 мекемесінің психологтары кезекті терапиясын жүргізді.
Терапия барысында сотталғандар сурет салу арқылы өздерінің ішкі эмоционалдық жай-күйін суреттеді. Қаламдармен сызу арқылы ойларындағы барлық дүние қағазға түсіп, адам ойында ауыр жүктерден арылады. Бұндай терапияны жүргізу әлеуметтік психологиялық мәселелерді жеңу, күйзелістен емделудің бір тәсілі ретінде қолданылады. Терапия соңында сотталған бірігіп, ұстаздар күніне «Мерекелеріңізбен» атты үлкен суретті салып шықты. Бұл суретті өздеріне күнделікті білім беретін ұзтаздарына құттықтау ретінде ілмек.
Күнделікті жүйелі жұмыс жасау барысында темір тордың арғы жағындағы адамдардың мінез-құлқын өзгертуге оң ықпал етіп келеді. Сәйкесінше, олардың ертеңгі күні қоғамға бейімделуі онай болмақ.
Рәпіш ТӨЛЕП
ҚАЖД №60 мекеменің баспасөз қызметі
Жылдам ақпарат алу үшін Facebook, Instagram желілері мен Telegram каналымызға жазылыңыз!