Танымал продюсер Баян Алагөзованың қызы Айсәуле Бақытбек екінші қызына қандай есім қойғанын мәлім етті. Бұл туралы Stan.kz ақпарат агенттігі хабарлайды.
Айсәуле қызына Сәтті деген есім берді. Блогер ерекше есімді көпшілікке өзгеше тәсілмен жария етті. Ол Алиша, Ділдә, Оливия, Алсу, Алма, Сәтті деген қыз баланың аттары жазылған шарды кезек-кезек жарды. Соңында нәрестеге Сәтті деген ерекше есімді бергенін айтты.
Желі қолданушылары да ерлі-зайыптының қызына қазақша ат қойғанына риза болды.
“Сәтті қазақша ат болғанына қуандым”, “Керемет, ерекше есім”, “Оливия болып қала ма деп қорқып едім”, “Мұндай есім сирек кездеседі”, “Біздің Сатиша”, “Тамаша таңдау”, – деп жарыса жазды желідегілер.
Жылдам ақпарат алу үшін Facebook, Instagram желілері мен Telegram каналымызға жазылыңыз!