Алматыда Ботаникалық бақтағы аққуларға қатыгездік көрсету фактісі бойынша тексеріс басталды, деп хабарлайды turkystan.kz.
Желіде екі ер адамның тоғандағы аққуларды мойнынан ұстап жатқан бейнежазбасы тарады. Бейнежазба авторы оқиғаның 5 тамызда болғанын нақтылаған. Жазба қоғамда резонанс тудырды.
Қазіргі уақытта мекеме бұл оқиғаға қатысты егжей-тегжейлі ақпарат жинап жатыр.
– Біз бейнежазбалар арқылы құқық бұзушылардың түрін анықтадық және полициямен байланыстамыз, – деді Ботаникалық бақ әкімшілігі.
Алматы қалалық полиция департаменті Ботаникалық бақ аумағында құсқа қатыгездік көрсету фактісі бойынша тексеріс басталғанын растады.
– Заң аясында құқықтық баға беріліп, шаралар қабылданады. Басқа мән-жайлар анықталуда, – деп хабарлады полицияның баспасөз қызметі.
Жылдам ақпарат алу үшін Facebook, Instagram желілері мен Telegram каналымызға жазылыңыз!