Атырауда «Ембімұнайгаз» АҚ қарасты «Жылыоймұнайгаз» мұнай-газ өндіру басқармасының Батыс Прорва кен алаңының N437 ұңғымасында төтенше жағдай болды, деп хабарлайды BAQ.KZ.
PetroCouncil.kz порталы таратқан мәліметке сүйенсек, перфорациядан кейін, сорапты-компрессорлық құбырды түсіруде газ шығуы орын алған.
Бұл сорапты-компрессорлық құбырдың істен шығуына әкеліп соқтырды. Зардап шеккендер жоқ. ЕМГ жедел штабы шұғыл шаралар жүргізуде: ұңғыманың аумағы қоршалып, қалыпқа келтіру жұмыстары жүруде. Оқиға орнында «Ақ Берен» ЖШС, «Семсер Өрт сөндіруші» ЖШС», «СОП Атырау» ЖШС мобильді күзет жұмыс істеп жатыр, – делінген «Ембімұнайгаз» АҚ Қоғаммен байланыс тобы таратқан ақпаратта.
Жылдам ақпарат алу үшін Facebook, Instagram желілері мен Telegram каналымызға жазылыңыз!