Автобус жүргізушісі екі жаяу жүргіншіні қағып кетті. Зардап шеккендер ауруханаға жеткізілді. Оқиға Павлодарда орын алған, – деп хабарлайды Massaget.kz.
Әлеуметтік желідегі парақшалардың бірінде Малайсары батыр мен Российская көшелерінің қиылысында жолаушылар автобусы екі адамды қағып кеткен видоесы жарияланған болатын.
Облыстық жедел жәрдем станциясының баспасөз қызметінің мәліметінше, медициналық бригада оқиға орнына тоғыз минут ішінде жеткен.
«Түрлі жарақаттармен 17 жастағы жасөспірім қызды облыстық балалар ауруханасына, ал 63 жастағы әйел № 1 қалалық ауруханаға жеткізілді»,– делінген хабарламада.
Жылдам ақпарат алу үшін Facebook, Instagram желілері мен Telegram каналымызға жазылыңыз!