Жазғы демалыс балалар үшін ең керемет уақыт. Бұл кезде олар жаңа әсерлер мен шытырман оқиғаға толы күндерді өткізеді. Лагерь мен турларға барып, жаңа достар тауып, спортпен шұғылданып, табиғаттың аясында демалып, спорттық секцияға қатысады.
Жаз спортпен шұғылдану үшін тамаша уақыт. Балалар футбол, жүзу, теннис, волейбол сияқты түрлі спорттық секцияға қатысады. Шеберханада сурет салып, музыка, би, қолөнер сияқты шығармашылық жұмыспен айналысады. Осы арқылы олардың қиялы шарықтап, жаңа дағдыны үйренеді. Сонымен бірге жаз отбасымен бірге саяхаттап, жаңа жерлерді көруге ең жақсы уақыт. Бұл баланың жалпы білімін кеңейтеді және отбасылық қарым-қатынастарды нығайтады.
Жаз мезгілінде көптеген мектептер мен білім беру орталықтары жазғы оқыту бағдарламаларын ұсынады. Онда балалар жаңа пәндерді үйреніп, өз білімдерін тереңдете алады. Ббұдан бөлек балаларды еріктілік қызметіне тарту олардың әлеуметтік жауапкершілігін арттырып, айналасындағы әлемге деген көзқарасын кеңейтеді. Табиғатта серуендеу, жорықтарға шығу, балық аулау, орманда түнеу сияқты белсенді демалыс түрлері балалардың денсаулығын жақсартады және оларға жаңа тәжірибе береді. Бұл идеялар балалардың жазғы демалысын қызықты, пайдалы және есте қаларлықтай өткізуге көмектеседі.Балалардың жазғы демалысын тиімді ұйымдастыру олардың физикалық және интеллектуалдық дамуына үлкен үлес қосады. Түрлі белсенділіктер арқылы балалар жаңа дағдыларды игеріп, шығармашылық қабілеттерін дамытып, әлеуметтік байланыстарын кеңейтеді.
Сондықтан ата-аналар балалардың демалысын жоспарлағанда олардың қызығушылықтарын ескеріп, түрлі іс-шаралармен толықтырып, демалыс уақытын мүмкіндігінше пайдалы және қызықты өткізуге тырысуы қажет.Бұл балалардың болашақта белсенді, жан-жақты және бақытты тұлға болып қалыптасуына көмектеседі.
Бақыт Қарақат,
Қорқыт ата атындағы Қызылорда университетінің 1курс студенті
Жылдам ақпарат алу үшін Facebook, Instagram желілері мен Telegram каналымызға жазылыңыз!