Жануарларға жауапкершілікпен қарауды қалыптастыруға бағытталған «Birgemiz: Ayala» жалпыұлттық жобасы табысты нәтиже беріп келеді.
Жобаны 2022 жылдан бастап «Green Help» ҚБ жүзеге асыруда. Жоба аясында түрлі бағыттағы іс-шаралар, акциялар, байқаулар мен оқыту бағдарламалары өткізіліп, әр жылдары 30 волонтер мен волонтерлік ұйымдарға шағын гранттар табысталды.
Жоба барысында волонтерлар тарапынан түрлі көмек көрсетіліп, сондай-ақ жануарға арналған жаңа үй мен отбасын іздеуге мүмкіндік туды.
2022 жылдан бастап «Birgemiz: Ayala» жалпыұлттық жобасының қатарына 6 мыңға жуық волонтер топтасып, Қазақстандағы волонтерлық саланың дамуына үлес қосып келеді.
Жобаны іске асыруға Айтым Жакупов, Марина Бейсехан, Перизат Мырзахмет, Динара Сәтжан сынды қоғам белсенділері мен танымал блогерлер де тартылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!