Тәжікстан Энергетика және су ресурстары министрінің бірінші орынбасары Джамшед Шоди Шоимзода Орталық Азиядағы су мәселелерін бірлесіп шешуге Қазақстанда су және ирригация саласына арнайы жауапты министрліктің құрылуы серпін бергенін айтты, деп жазады Egemen.kz.
Сарапшының айтуынша өңір елдерінің бірлескен күш-жігері биылғы аптап ыстықтың салдарын барынша азайтуға мүмкіндік берді, кездесулер қазір әлдеқайда жиі, өзара байланыс бұрынғыдан да тығыз.
«Себебі тек бірлесіп талдау арқылы ғана судың тапшылығы мен қуаңшылықтың салдарын азайтуға бағытталған өңірлік тиімді шешімдер қабылдай аламыз. Биыл біз осы ынтымақтастықтың нақты нәтижесін көрсетіп, бірлесе әрекет ету арқылы қуаңшылықтың әсерін барынша азайттық», деді Джамшед Шоди Шоимзода.
Жылдам ақпарат алу үшін Facebook, Instagram желілері мен Telegram каналымызға жазылыңыз!