Мұнай бағасы құлдырай берсе, доллар 600 теңгеге дейін шарықтап кетпей ме? Ұлттық банк төрағасы Тимур Сүлейменов брифингте осы сұраққа жауап берді, деп хабарлайды BAQ.KZ тілшісі.
Егер мұнай бағасы күрт түссе, әрине біздің экономикамызға, мемлекеттік кірістерге, теңге бағамына әсер етеді. Ол сөзсіз. Бірақ оған біздің ықпалымыз жоқ. Оған біз тек дайындалуымыз керек және оған дайындалып жатырмыз, – деп айтты Сүлейменов.
Журналистер “Ұлттық банктің, Үкіметтің болсын екінші жоспары жоқ па?” деген сұрақ қойды.
Дәл қазір біздің ғимараттары Үкіметтің, Ұлттық экономика және Қаржы министрлігінің өкілдері отыр. Қазір соны дайындап жатырмыз. Макроэкономикалық модель өте жақсы. Сондықтан олар бізге келіп, “Б” немесе “С” жоспары сияқты ортақ жоспар құрып жатырмыз. Келесі аптада керек болса жариялаймыз, – деп жауап берді Ұлттық банк басшысы.
Жылдам ақпарат алу үшін Facebook, Instagram желілері мен Telegram каналымызға жазылыңыз!