«Nur Otan» партиясы Қызылорда қалалық филиалының төрағасы, қала әкімі Нұрлыбек Мәшбекұлы Нәлібаевтың қатысумен «Nur Otan» партиясының Қызылорда қалалық мәслихатындағы депутаттық фракциясының отырысы өтті. Бірінші кезекте «Nur Otan» партиясының сайлауалды бағдарламасын іске асыру бойынша жасақталған іс-шаралар жоспары негізінде дайындалған «Жол картасы» бағдарламасы талқыланды. «Жол картасы» бағдарламасының 2021-2025 жылдарда атқарылатын орындалу жоспармен қала әкімінің орынбасары Бектас Балғабайұлы Нұридинов таныстырды.
Екінші қаралған мәселе Қызылорда қалалық мәслихаттағы «Nur Otan» партиясы депутаттық фракция жетекшісі Жорабек Ибрагимұлы Нұрымбетов: Жол картасының нақты индикаторларының орындалуы бойынша жауапты қалалық мәслихаттағы депутаттық фракция мүшелерін бекіту туралы ұсыныс енгізді.
Үшінші қаралған мәселе Қызылорда қалалық мәслихатындағы «Nur Otan» партиясының депутаттық фракциясының 2021 жылға арналған жұмыс жоспары қаралып, депутаттардың келісімімен бірауыздан бекітілді. Әр бағыт бойынша нысаналы индикаторлармен мерзімдер қойылды. Фракция мүшелерінен әр салаға жауапты орындаушылар белгіленді. Жоспарлардың орындалуы бойынша, тоқсан сайын фракция отырысында есеп берілу керектігі тапсырылып, жергілікті атқарушы органдармен бірігіп уақытылы орындау міндеттелді.
Жылдам ақпарат алу үшін Facebook, Instagram желілері мен Telegram каналымызға жазылыңыз!