Адам баласы көне заманнан бері көкке қарап, бір сұраққа жауап іздеп келеді. – Біз жалғызбыз ба? Ғаламның кеңдігі соншалық, онда миллиардтаған жұлдыз бен планеталар бар. Осынша кеңістікте тек Жерде ғана тіршілік болуы мүмкін бе?
Ғалымдар «тіршілікке қолайлы» планеталарды іздеуді тоқтатқан емес. Kepler және James Webb сияқты телескоптар алыстағы планеталардың атмосферасын зерттеп, су, оттегі немесе көмірқышқыл газының іздерін табуға тырысады. Өйткені бұл – тіршіліктің болуының басты белгілері.
Ең көп үміт артатын планеталардың бірі – Марс. Онда бұрын су болғанының дәлелдері табылған. Егер су болса – тіршілік те болуы мүмкін деген үміт бар. Сонымен қатар Еуропа (Юпитердің серігі) мен Энцелад (Сатурнның серігі) мұз астында үлкен мұхиттарға ие. Бұл жерлер де тіршілікке қолайлы болуы мүмкін.
Ғалымдар әлі нақты дәлел тапқан жоқ. Бірақ ғарыштың шексіз екенін ескерсек, бір жерде біз білмейтін тіршілік түрі болуы әбден мүмкін.
Сұрақ ашық күйде: біз жалғызбыз ба, әлде бір күні «Сәлем!» дейтін бөгде ақылды тіршілік иесімен кездесеміз бе?
Ақгүл Қайырбек,
Қорқыт ата атындағы Қызылорда университетінің 1-курс студенті
Жылдам ақпарат алу үшін Facebook, Instagram желілері мен Telegram каналымызға жазылыңыз!