ЭЦҚ-ны онлайн алу шыққалы көп адам биометрияда қиналып жүр. Осыған байланысты Ұлттық куәландырушы орталығы (ҰКО) кішкентай ғана кеңестерін бөлісті, деп жазады Ozgeris.info.
Айтқандары қарапайым: жарық жақсы болсын. Терезе қасында отырсаңыз немесе бетіңізді анық көрсететін шам жақса, жүйе сізді тез таниды. Ал жарық артыңызда тұрса, камера бетіңізді дұрыс көрмейді.
Камера да дұрыс қойылуы керек. Өте жоғары да емес, төмен де емес – тура көзіңіздің деңгейінде тұрғаны жақсы. Сонда бейнеңіз анық шығады.
Компьютерден кіргенде QR-код беріледі. Сол кодты телефонмен сканерлеп, биометриядан смартфон арқылы өткен әлдеқайда ыңғайлы дейді мамандар.
Егер қанша тырыссаңыз да онлайн өтпей жатса, уайымдамаңыз. Ең жақын ХҚКО-ға барып өтуге болады. Немесе digital-id.freshdesk.com сайтына кіріп, техқолдаудан көмек сұрай аласыз.
Жылдам ақпарат алу үшін Facebook, Instagram желілері мен Telegram каналымызға жазылыңыз!