ТЖМ қызметкерлері бес демалушыны құтқарды, деп хабарлайды El.kz интернет порталы.
Ақтау қаласы «Бриз» яхта-клубы ауданында, Каспий теңізінің жағалауында үгіт-профилактикалық іс-шаралар өткізу кезінде ТЖМ Жедел-құтқару жасағының құтқарушылары 5 адамды құтқарды.
SUP-тақтамен сырғанау кезінде бес адамды қатты жел ашық теңізге алып кетті. Адамдар жағалаудан 2,5 шақырым жерде өз бетінше оралу мүмкіндігінсіз қалды.
Бесеуі жағаға жеткізілді. Медициналық көмек ешкімге қажет болмаған.
ТЖМ дауылды немесе желді ауа райында суға шығу кезінде сақ болуды ескертеді.
Жылдам ақпарат алу үшін Facebook, Instagram желілері мен Telegram каналымызға жазылыңыз!