Жетісай аудандық ішкі істер бөліміне «Тойота Камри» көлігін көлік жуу орнына қалдырған әйел жүгінген.
Белгілі болғандай, көлік жуу орнының қызметкері көлікті сұраусыз айдап әкетіп, тізгінге ие бола алмай, басқа көлікпен соқтығысқан. Осыдан кейін көлік сырғанап, жол жиегіне шығып, аударылып қалған.
Аталған факті ҚР Қылмыстық кодексінің 200-бабы «Автокөлікті немесе өзге де көлік құралын ұрлау мақсатынсыз заңсыз иелену» бойынша тіркелді. Полиция азаматты ұстаған.
Келтірілген шығын көлемі 6 миллион теңгеге бағаланып отыр. Қазіргі таңда аталған факті бойынша сотқа дейінгі тергеу амалдары жүргізілуде. Барлық мән-жайлар анықталып жатыр.
Жылдам ақпарат алу үшін Facebook, Instagram желілері мен Telegram каналымызға жазылыңыз!