Қаржы нарығын реттеу және дамыту агенттігі коллекторлардың жарғылық капиталына қатысты талап күшейтілгенін хабарлады. Былтыр коллекторлық қызмет туралы заңда жарғылық капиталдың ең төменгі мөлшеріне қатысты норма болған.Оған сәйкес, биыл 1 қаңтардан бастап коллекторлық агенттіктердің жарғылық капиталының 10 миллион теңге сомасындағы ең төменгі мөлшері енгізіледі. Осы межені кезең-кезеңмен көтеруге шешім қабылданды.»Нарықты шоғырландыру және коллекторлық қызметтердің сапасын арттыру мақсатында биыл 22 ақпанда жұмыс істеп тұрған коллекторлық агенттіктер үшін жарғылық капиталдың мөлшерін кезең-кезеңмен арттыруды көздейтін агенттік басқармасының 8 қаулысы қабылданды», – делінген ресми хабарламада.Қаулыға сәйкес, жарғылық капиталдың ең төменгі деңгейі тағы көтеріледі.2022 жылдың 1 шілдесінен бастап – 30 миллион теңге;2023 жылдың 1 қаңтарынан бастап – 50 миллион теңге.Бұл ретте жаңадан ашылған коллекторлық агенттіктер үшін жарғылық капиталдың ең төмен мөлшері 50 миллион теңгені құрайды.Қазіргі кезде жарғылық капиталға қойылатын талаптарды орындамаған коллекторлық агенттіктер қызметін тоқтату бойынша жұмыстар басталды
![Человек считает бумажные деньги Человек считает бумажные деньги - Sputnik Қазақстан, 1920, 23.11.2021](https://sputnik.kz/img/07e4/0c/0a/15704033_0:0:3000:1200_1920x0_80_0_0_48859b8d0a0def114eeaa88995773102.jpg.webp)
Жылдам ақпарат алу үшін Facebook, Instagram желілері мен Telegram каналымызға жазылыңыз!