Қызылорда қаласындағы Назарбаев Зияткерлік мектебінде өңірлік медиақауымдастық өкілдері арасында үстел теннисінен турнир өтті.
Спорттық шараға облыстық және республикалық бұқаралық ақпарат құралдарының журнистері, баспасөз хатшылары, видеооператорлар мен дизайнерлерден құралған 6 команда қатысты. Турнир Қазақстан Республикасының Тәуелсіздік күніне орай ұйымдастырылып, салауатты өмір салтын насихаттауға бағытталды.
Аталған жарыс мектеп пен медиақауымдастық арасындағы достық байланысты нығайтып, командалық рух берді.
Жарыс қорытындысы бойынша ІІІ орынды «Qyzylorda» облыстық телеарнасының командасы, ІІ орынды NIS командасы иеленді. Ал турнир жеңімпазы болып «Сыр медиа» ұжымы атанды.
«Үздік ракетка» номинациясы облыстық Аружан Оралбай – газет тілшісі және ұлдар арасында қалалық Qogam TV телеарнасының видеоинженері Дәулет Садықовқа бұйырды.
Жылдам ақпарат алу үшін Facebook, Instagram желілері мен Telegram каналымызға жазылыңыз!