Наурыздан бастап WhatsApp мессенджері көптеген смартфондарда істемейді. Әзірлеушілер қандай телефондар енді мессенджерді көтере алмайтынын айтты. Бұл туралы Stan.kz ақпарат агенттігі хабарлайды.
WhatsApp-та жаңа өзгерістер пайда болады. Соның кесірінен жаңа функциялар мен жаңартуларды ескі операциялық жүйелер көтере алмайды. Енді WhatsApp-ты көтермейтін құрылғылар тізімінде iPhone-ның бірнеше ескі үлгілері, соның ішінде iPhone 6 және iPhone 6 Plus бар.
«IOS-тың бұрынғы нұсқалары бар модельдер WhatsApp-сыз қалады. 5 мамырда мессенджердің сол құрылғыларда қызметі тоқтайды. Қолданба қазір iOS 12 немесе одан кейінгі нұсқасы бар iPhone құрылғыларында жұмыс істейді. WhatsApp 15.1 нұсқасынан төмен iOS нұсқасы бар үлгілерде де жұмысын тоқтатады», – деп хабарлады Meta.
10 наурыздан бастап WhatsApp қай смартфондарда жұмысын тоқтатады:
- Samsung Galaxy S3;
- Samsung Galaxy Note 2;
- Motorola Moto G;
- HTC One X;
- LG Optimus G;
- Nexus 4;
- Sony Xperia.
Қолданбадағы ақпаратты сақтау үшін алдымен деректердің сақтық көшірмесін жасап, ақпаратты жаңа гаджетке тасымалдау керек.
Жылдам ақпарат алу үшін Facebook, Instagram желілері мен Telegram каналымызға жазылыңыз!