Әдетте адамдар ауланы немесе көшені таза ұстау үшін түскен жапырақты жинап, өртеп жатады. Дегенмен оның қоршаған ортаға зияны бар екенін бірі білсе, бірі біле бермейді.
Біріншіден, қатты жел соқса үлкен өрт туындау қаупі бар. Екіншіден жапырақ өртенген кезде шаң, азот оксидтері, көмірқышқыл газы бөлінеді. Ауаға тарайтын бензапирен адамда қатерлі ісік ауруын тудыруы мүмкін. Сонымен қатар, түтінмен диоксиндер де таралады. Ол да гормонды дисбалансқа әкелетін улы қосылыс.
Жерге түскен жапырақтар — табиғи тыңайтқыш. Олар қаладағы ылғал мөлшерін қалыпты деңгейде ұстап тұруға көмектеседі.
Жылдам ақпарат алу үшін Facebook, Instagram желілері мен Telegram каналымызға жазылыңыз!