Яссауи мен Дастан көшелерінің қиылысындағы асфальттың опырылу дерегінен кейін Алматының Қала құрылысын бақылау басқармасы «Достық» шағынауданында инженерлік желілердің құрылысына қатысты жоспардан тыс тексеру жүргізді, – деп хабарлайды Tengrinews.kz тілшісі.
Техникалық қадағалауды жүзеге асырған «Алатау сапа құрылыс» ЖШС-не тиісті бақылау жүргізбегені үшін әкімшілік шара қолданылды. Компания осы қызмет түрі бойынша аккредитациясынан айырылды.
«Ал жобадан ауытқып, құрылыс нормаларын сақтамаған «СПЕЦКОММУНСТРОЙ» ЖШС-не анықталған заңбұзушылықтарды жою туралы нұсқама берілді.
Дархан Сатыбалдының тапсырмасына сәйкес, Алматыда құрылыс-монтаж жұмыстарына бақылау күшейтілгені айтылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!