Геннадий Шиповских мектептегі сыныптардың тазалығына оқушылардың жауап беруі тиіс екенін мәлімдеді. Ол бұл туралы бұл туралы 24kz телеарнасының «Арнайы жоба» бағдарламасына берген сұқбатында айтқан, деп хабарлайды Alash.kz ұлттық порталы .
Депутат өзінің мектепте оқыған кезін еске алды. Соның негізінде қазіргі оқушылар арасында кезекшіліктің атымен жоқ екеніне қынжылды.
«Біз бүкіл мектепте өз сыныбымызды өзіміз жуатынбыз. Бала кезінен жасөспірімдерді еңбекке баулу деген болды. Кейінгі уақытта меніңше, ешқандай балаға ешкім еден жудыртпайды. Кезекшілік деген нәрсе жоқ. Қазір баланың қолына «тряпка» берсең «ойбай, менің баламды еңбекке салып жатыр, қинап жатыр екен» дейді. Мектеп жағынан біз соған қайтып келсек деген менің бір ойым бар. Бала кезінен бастап оқушы еңбекке жақын болады. Ойлары да басқаша қалыптасады», – деді Геннадий Шиповских.
Жылдам ақпарат алу үшін Facebook, Instagram желілері мен Telegram каналымызға жазылыңыз!