2025 жылғы 25 шілдеде Астанадағы қылмыстық істер жөніндегі ауданаралық сот Перизат Қайрат пен оның анасы Гайни Алашбаеваға қатысты үкім шығарды, деп хабарлайды El.kz интернет порталы.
Сот Перизат Қайратты кінәлі деп тауып, 10 жылға бас бостандығынан айырды. Ал оның анасы Ғайни Алашбаева 7 жылға сотталып, сот залында қамауға алынды. Екеуі де жазасын орташа қауіпсіздік мекемесінде өтейді.
Аталған атышулы іс бойынша сот отырысы 2025 жылғы 14 шілдеде басталған. Перизат Қайратқа алаяқтық пен қылмыстық жолмен алынған ақшаны заңдастыру баптары бойынша айып тағылды. Прокурорлар оның тасқыннан зардап шеккендерге көмектесу үшін кәсіпкерлер жіберген қаржыны иемденіп, жеке мақсатта жұмсағанын мәлімдеді.
22 шілдеде өткен жарыссөз кезінде мемлекеттік айыптаушы Перизат Қайратты 10 жылға бас бостандығынан айыруды сұрады. Прокуратура мәліметінше, күдікті тасқын кезінде иемденіп алған 2,8 миллиард теңгеден астам қаражатты заңдастырған.
Сондай-ақ сотта Kaspi Bank-тің бас заңгері сөз алып, банк тарапынан Перизат Қайратпен байланысы бар қорға 620 миллион теңге аударылғанын растады.
Жылдам ақпарат алу үшін Facebook, Instagram желілері мен Telegram каналымызға жазылыңыз!