Қаржы мониторингі агенттігі төрағасының орынбасары Жеңіс Елемесов Перизат Қайрат ісіне қатысты жаңа мәліметтерді айтты, деп хабарлайды Egemen.kz.
Ол күдіктіге қатысты қылмыстық істің аяқталғанын, қазіргі уақытта процеске қатысушылар қылмыстық іс материалдарымен танысып жатқанын растады.
«Егер естеріңізде болса, қылмыстық істі тергеу барысында бізде әртүрлі көлемдегі шығын болған. Қазіргі уақытта біз 3,5 миллиард теңге көлеміндегі шығын көлемін анықтадық. Мен бұрын Қылмыстық жолмен алынған ақшаны заңдастыру фактілері туралы да айтқан едім. Қылмыстық жолмен алынған ақшаны заңдастыруға қатысты, дәл осы жерде Перизат Қайрат гүл дүкенін сатып алуға ақша салған. Осылайша, ол өзін қоғамға бизнес-ханым ретінде көрсеткен», деді Елемесов журналистерге Сенатта өткен брифингте.
Ол Перизат Қайраттың өз кінәсін мойындамайтынын және куәлік беруден бас тартып отырғанын атап өтті.
Перизат Қайраттың анасы да қылмыстық жауапкершілікке тартылады. Оған қатысты бұлтартпау шарасы – үйқамақ.
Жылдам ақпарат алу үшін Facebook, Instagram желілері мен Telegram каналымызға жазылыңыз!