ШҚО полициясы Ұлттық домбыра күніне орай қызметтік көліктерден домбыраның бейнесін жасады, – деп хабарлайды Massaget.kz.
Мереке қарсаңында облыстық Полиция департаментінің шеру алаңында 20-ға жуық қызметтік автокөлік ұлттық аспап түрінде орналасты.
Суретті толықтырған музыканттар әйгілі композитор Құрманғазының күйін орындады.
«Қасиетті домбыра әрқашан ұрпақтан ұрпаққа беріліп отырды. Бұл – ғасырлар тарихын бейнелейтін бойтұмарымыз. Оның үні жаңа жетістіктерге дем беріп, Отанымыз – Қазақстан Республикасының гүлденуіне үлес қоса берсін», – деді ШҚО ПД бастығы генерал-майор Ерлан Омарбеков.
Жылдам ақпарат алу үшін Facebook, Instagram желілері мен Telegram каналымызға жазылыңыз!