Бір топ тілші Белкөл кенті маңындағы қоқыс полигонының зардабы мен Қызылорда қаласының экологиялық ахуалын әкім назарына тікелей ұсынды. Шаһар басшысы Ғанибек Қазантаевпен өткен кездеуде журналистер аталған мәселенің өзектілігі мен тұрғындарға зиянын егжей-тегжейлі тарқатып айтты.
Айткүл Шалғынбаева, Нұрлан Көбегенұлы, Нұрлан Жақыпбек сынды белгілі тілшілер Белкөл кентінен 4 шақырым жерде орналасқан қоқыс полигонының зиянын азайту, қоршаған ортаны қорғауға қатысты нақты жобаларды қабылдау керегін жеткізді.
Сондай-ақ Нұрлан Жақыпбек «Сәулет» шағынауданына ойын алаңы қажет екенін айтып, әкімнен қолдау сұрады.
Жылдам ақпарат алу үшін Facebook, Instagram желілері мен Telegram каналымызға жазылыңыз!