Нұр-Сұлтан қаласында футболдан әуесқойлар арасында ел біріншілігіне аттанған Қазалы құрамасы жасөспірім баланың өмірін арашалап қалды. Бұл туралы белгілі журналист Әділбек Жақанов өзінің Instagram парақшасында хабарлады.
– Қазалы командасы бір баланың өмірін аман алып қалды🙌 Осы күндері Елорда төрінде футзалдан әуесқойлар арасында Қазақстан чемпионаты өтуде. Ел біріншілігінде бақ сынауға келген қазалылық жігіттер кешкілік ойыннан кейін Алатау спорт кешенінен шығып келе жатып, «құтқарыңдар» деген баланың жан дауысын естиді. Ести сала аренаның дәл жанынан ағатын Есіл өзеніне қарай ышқына жүгіріп барды. Сол жерде ойнап жүрген үш баланың бірі суға батып бара жатқанын көріп, өмір үшін арпалысып жатқан баланы мұздың астынан шығарып алды! Қазалылық жігіттердің ерен ерлігінің арқасында жасөспірім аман қалды, ата-анасы баласымен қауышты! Осылайша Ұлыстың ұлы күні ұлы ерлік жасады деп білемін Балаларымыз аман болсын!
Жылдам ақпарат алу үшін Facebook, Instagram желілері мен Telegram каналымызға жазылыңыз!