Қазақстанның Ресейдегі елшілігі жеке сәйкестендіру нөмірін (ЖСН) беруге қатысты ақпарат таратты, – деп хабарлайды kursiv.media
Шетел азаматтарына ЖСН беру пилоттық жобасы 2025 жылдың 31 желтоқсанына дейін жұмыс істеген. 2026 жылдың 1 қаңтарынан бастап Қазақстанның шет елдердегі мекемелері шетел азаматтарына ЖСН беруді тоқтатады.
«Қазақстанның уәкілетті мемлекеттік органдары Қазақстанға бармай-ақ онлайн-форматта шетел азаматтары үшін мемлекеттік қызметтер мен сервистерді алу мүмкіндігін, оның ішінде ЖСН қамтитын цифрлық ID-картаны алуға болатын eResidency бағдарламасы енгізілді», – делінген ақпаратта.
Бағдарлама шетелдіктерге Қазақстанда ресми цифрлық мәртебе алуға мүмкіндік береді.
Бағдарлама арқылы аулға болатын қызметтер:
- жеке сәйкестендіру нөмірі (ЖСН) бар цифрлық ID-картаны алу;
- қор нарықтарына, крипто биржаларға, Қазақстандық нөмірі бар eSIM-ге қол жеткізу;
- электрондық цифрлық қолтаңбаны және сақтандыру қызметтерін ресімдеу;
- Қазақстандық карталарды пайдаланып, онлайн банк шотын ашу.
ЖСН – жеке тұлғаға, соның ішінде жеке кәсіпкерге берілетін нөмір. Бір рет қана берілетін нөмір Қазақстанның мемлекеттік органдарында ЖСН иесі туралы ақпаратты сақтау үшін қажет.
Жылдам ақпарат алу үшін Facebook, Instagram желілері мен Telegram каналымызға жазылыңыз!