Қазақстан мұсылмандары діни басқармасы (ҚМДБ) қажылық сапарына аттанатын азаматтарға арналған Qajy Guide («Қажы гид») атты жаңа цифрлық қосымшаны іске қосты, – деп хабарлайды kursiv.media
Qajy Guide – ҚМДБ-ның ресми жобасы әрі қажылық пен ұмра сапарына баратын жандарға арналған тегін цифрлық көмекші платформа. Қосымша қажыларға сапар барысында қажетті ақпаратты бір жерден алуға мүмкіндік береді.
Платформада қажылық пен ұмра ғибадатын орындау тәртібі толық түсіндіріліп, пайдаланушыларға ыңғайлы болуы үшін бірнеше пайдалы бөлім енгізілген. Атап айтқанда, қосымшада қасиетті орындарға арналған виртуалды тур, ғибадат жасау жолдары, діни әдебиеттер, сұрақ-жауап бөлімі, діни терминдер сөздігі, карталар және ресми туроператорлар тізімі қолжетімді.
Еске сала кетейік, 2026 жылы Саудр Арабиясы Қазақстан үшін 4 мың қажылық квотасын бөлген еді. Биылғы қажылық сапары мамыр айына түсіп отыр.
Жылдам ақпарат алу үшін Facebook, Instagram желілері мен Telegram каналымызға жазылыңыз!