Статистикалық деректерге сүйенсек, 2021 жылы қазақстандықтардың денсаулыққа жұмсайтын шығыны 58 процентке өскен. Дәрігерлік кеңес, жирургиялық оталар, босану, тіс емдетуге халықтың қалтасынан барлығы 348 млрд теңгедей ақша жұмсаған. Бұл қаржының жартысын ақылы медициналық мекемелерге жұмсаған. 2020 жылмен салыстырғанда пациенттердің мұндай шығыны бір жыл ішінде 56-63 процентке өскен.
Халықтың денсаулық саласында ең көп шығындалатыны тіс емдету екен. Сонымен қатар әйелдер денсаулығы мекемелеріне, жүйке жүйесін емдетуге көп ақша жұмсалғаны байқалады.
Ұлттық статистика бюросы тоқсан сайын тұрғындар арасында сауалнама жүргізіп, отбасылардың дәрі-дәрмекке, емделуге қанша қаржы жұмсайтынына талдау жасайды. 2021 жылдың IV тоқсанындағы сауалнама қорытындысы бойынша қазақстандықтар табысының 43 процентін аурухана, стоматология, оңалту орталығы қызметтеріне жұмсаған. Отбасы бюджетінің жартысынын көбі дәрі-дәрмекке кеткен (51,7 процент), емдеу аппараттарын пайдалануға (2,7 процент), медициналық өнімдер сатып алуға (2 процент) жұмсаған.
Жылдам ақпарат алу үшін Facebook, Instagram желілері мен Telegram каналымызға жазылыңыз!