Әлеуметтік желіде, әсіресе Threads платформасында “қыз іздеймін”, “жігіт іздеймін”, “тұрақты қарым-қатынас құрамын” деген секілді таныстыққа арналған жарияланымдар жиі кездеседі. Полиция мұндай жазбаларды алаяқтар өз мақсатына пайдалауы мүмкін екенін ескертті. Бұл туралы Stan.kz ақпарат агенттігі хабарлайды.
Алаяқтар өздерін тартымды қыз-жігіттер ретінде таныстырып, белсенді түрде хат алмасады, құрбанына ерекше көңіл боліп, сеніміне кіреді. Уақыт өте келе олар адамдардан қаржылай көмек сұрай бастайды.
Алаяқтық кезең-кезеңімен жүзеге асады:
- Белсенді сөйлесу және эмоциялық байланыс орнату;
- Қиын өмірлік жағдай, ауру, шұғыл шығындар немесе тиімді инвестициялар туралы әңгімелер;
- Шетелдік криптоәмиянға немесе үшінші тұлғаларға ақшау аударуды сұрау;
- Ақшаны алған соң қарым-қатынасты тоқтатады немесе бұғаттайды.
Егер сөйлесіп жүрген адам ақша аударуды сұрап, алайда видеоқоңыраумен сөйлесуден және жеке кездесуден қашса, парақшадағы суреттер басқа адамдарға тиесілі болуы мүмкін болса, сақ болу қажет деп ескертті полиция.
Тәртіп сақшылары азаматтарға кеңес берді:
- Интернет арқылы танысқан адамдарға ақша немесе жеке деректерді бермеу;
- Фотосуреттер жібермеу;
- Күдікті сілтемелерге өтпеу;
- Сөйлескен адамның парақшасын және ақпаратын тексеру;
- Күмән туындаған жағдайда қарым-қатынасты тоқтату.
Ішкі істер министрлігінің киберқылмыспен күрес департаменті азаматтарды онлайн таныстықта сақ болуға шақырады және заңға қарсы әрекеттер болғанда хабар беруді сұрайды.
Жылдам ақпарат алу үшін Facebook, Instagram желілері мен Telegram каналымызға жазылыңыз!