Мемлекеттік ішкі аудит департаменті Қызылорда облысында тұрақтандыру қорының 852,6 миллион теңгесі жоқ екенін анықтады. Бұл жөнінде Stan.kz ақпарат агенттігі хабарлайды.
Аудиторлар «Байқоңыр» ӘКК әлеуметтік маңызы бар тауарлардың бағасын тұрақтандыру үшін бөлінген ақшаны қалай жұмсағанын тексерді.
«2019 жылдан 2021 жылға дейінгі кезеңде өңірлік тұрақтандыру қоры үшін 852,6 млн теңге бюджет қаражатына әлеуметтік маңызы бар азық-түлік тауарлары сатып алынғаны анықталды, олар кейіннен әлеуметтік дүкендер бойынша бөлінді», – делінген Қаржы министрлігінің хабарламасында.
Алайда шарттық құжаттарды ресімдеу кезінде ӘКК өңірлік тұрақтандыру қорларын қалыптастыру және пайдалану ережелерін бұзды. Оның серіктесі «Алтын қамба «Агроөнеркәсіптік комбинаты» ЖШС тауарларды сатты, бірақ бюджетке ақшаны қайтармады.
Қаражатты толық көлемде қайтару мүмкін емес, деп мойындады Қаржы министрлігі.
«Бүгінгі таңда “Алтын қамба агроөнеркәсіптік комбинаты” ЖШС-нен 92,5 млн теңге өндірілді», – деді ведомствода.
Департамент 760 млн теңгені қайтару бойынша жұмысты жалғастыруда.
«Байқоңыр» ӘКК-де әкімшілік хаттама жасалды, ол аудиторлық тексеру материалдарымен бірге процестік шешім қабылдау үшін құқық қорғау органдарына беріледі.
Жылдам ақпарат алу үшін Facebook, Instagram желілері мен Telegram каналымызға жазылыңыз!