Қызылорда қаласының 5547 әскери бөлімінің қызметкерлері және ҚАЖ департаментінің №60 мекемесі бастығының орынбасары әділет подполковнигі Алтынбек Тұрарбекұлы қатысуымен оқу-әдістемелік жиын ұйымдастырылды.
Жиынның басты мақсаты жас сарбаздармен жұмысты жүйелеу және олардың моральдық-психологиялық жағдайын тиімді басқару жолдарын үйрету болды. Атап айтқанда, жас толымды сапқа қосу кезіндегі бастапқы дайындық, психологиялық бейімделу, сарбаздардың ішкі тәртібі мен тәртіптілігін арттыру бағытында жан-жақты түсіндіру жұмыстары жүргізілді.
Іс-шара барысында аға буын өкілдері жас сарбаздарға ақыл кеңес айтты. Жиын соңында жас сарбаздар алған білімдерін тәжірибе барысында қолдану жолдарын пысықтап, өзара пікір алмасып, бірқатар ұсынымдар қабылдады. Мұндай іс-шаралар жас сарбаздардың әскери қызметке тез бейімделуіне септігін тигізетіні сөзсіз.
Жылдам ақпарат алу үшін Facebook, Instagram желілері мен Telegram каналымызға жазылыңыз!