Облыстық полиция департаментінің қызметкерлері 6 наурыз күні күдік туғызған «Volkswagen Crafter» көлігін тоқтатып, тексерген кезде ішінде киікке ұқсас 39 жануар ұшасы болған.
— Оған қоса, хабарламаға сәйкес тұрғын үйді тексеру барысында тағы осындай 84 жануардың ұшасы, 14 бас бөлігі, 6 терісі табылды. Күдікті ретінде облыстың 3 тұрғыны уақытша ұстау изоляторына қамалды, — деді департамент бастығының бірінші орынбасары, полиция полковнигі Серік Тоқтыбаев.
Осыған байланысты сотқа дейінгі тергеп-тексеру жұмыстары басталып, сараптамалар тағайындалды. Қылмыстың мән-жайы соның нәтижесінде белнілі болады.
Еске салайық, осыған дейін Қызылорда облысында браконьерден 14 қап киік еті тәркіленген еді.
Жылдам ақпарат алу үшін Facebook, Instagram желілері мен Telegram каналымызға жазылыңыз!