Қызылордада көпсалалы облыстық аурухананың 61 жастағы науқасы төртінші қабаттың балконынан белгісіз жағдайда құлап, мерт болды. Бұл туралы «Кызылординские вести» хабарлайды.
Басылым мәліметінше оқиға 6 тамызда орын алған. Науқас белгісіз жағдайда балконнан құлап кеткен.
Облыстық денсаулық сақтау басқармасы оқиғаның себебін анықтап жатқанын атап өтті.
Қызылорда қалалық полиция департаменті әйелдің өлімін растады. Полицейлер «Өзін-өзі өлтіруге итермелеу» бабы бойынша сотқа дейінгі тергеу амалдарын жүргізіп жатыр.
Қылмыстық-процестік кодекстің 201-бабына сәйкес өзге мәліметтер жарияланбайды.
Жылдам ақпарат алу үшін Facebook, Instagram желілері мен Telegram каналымызға жазылыңыз!