Жұма, 11 шiлде, 17:12

  • Қаз
  • Qaz

Бізге жаңалық
жіберіңіз:

+7(702)932-52-25
Жаңа шығарылым
№50,2163
09.07.2025
PDF мұрағаты

Қызылордада полиция қызметкеріне дөрекілік көрсеткен жасөспірімге қатысты қылмыстық іс қозғалды

11.07.2025

70 0

Фото: Polisia.kz

Әлеуметтік желіде жасөспірімдердің полиция қызметкеріне дөрекілік көрсеткен видеосы тарады. Видео Instagram әлеуметтік желісіндегі Livenews.kz парақшасында жарияланды. Қызылорда облыстық полициясы бұл жағдай облыс аумағында түсірілгенін мәлімдеді.

— 10 маусым күні таңғы сағат 5 жарым шамасында облыс орталығындағы аудандардың бірінде полиция қызметкерлері тыныштықты бұзу туралы хабарлама бойынша барған. Аталған құқықбұзушылық бойынша жасөспірімдер ұсталып, барлығы әкімшілік жауапкершілікке, оның ішінде түнгі уақытта заңды өкілінсіз көшеде жүргендері үшін де жауапкершілікке тартылды. Жасөспірімдердің біріне қатысты билік өкілін қорлау дерегі бойынша қылмыстық іс қозғалды. Сондай-ақ жасөспірімдердің ата-аналары кәмелетке толмаған баланы тәрбиелеу жөніндегі міндеттерін орындамағаны үшін әкімшілік жауапкершілікке тартылды. Барлық дерек бойынша тиісті шаралар қабылданады, – делінген хабарламада.

Полиция департаменті заң талаптарын сақтау жасы мен мәртебесіне қарамастан әрбір адамның міндеті екенін еске салды.

— Құқықтық тәртіпті қамтамасыз ететін қызметкерлерге құрмет көрсетпеу заңды құрметтемеумен бірдей, — деп ескертті ведомство.

 


 

Жылдам ақпарат алу үшін Facebook, Instagram желілері мен Telegram каналымызға жазылыңыз!

Тағы да оқыңыз: