Қызылорда қаласы, Әл-Фараби мөлтек ауданында тұрғын үйдің жанып жатқандығы жөнінде хабарлама түсті.
![](https://aqmeshit-aptalygy.kz/wp-content/uploads/2021/06/200426312_1766098030265707_8672099046723141147_n.jpg)
Оқиға орнына жедел жөнелтілген өрт сөндіру бөлімі барлау жұмыстарын жүргізіп, нәтижесінде 50 шаршы метр болатын уақытша тұрғын үй және тұрмыстық заттары толығымен жанып жатқандығын анықталды.
Осы сәтте №5 өрт сөндіру бөлімінің мамандары үй ішінде зардап шегушілердің жоқтығына көз жеткізу үшін ішке кіріп кетті. Мамандардың нақты әрі жедел іс-әрекетінің нәтижесінде жалын шарпыған баспана ішінен 27 литрлік 2 дана газ баллонын қауіпсіз жерге алып шықты. Осылайша өрт сөндірушілер газ баллонның жарылу қаупін болдырмады.
Оқыс оқиғада Қызылорда қаласы №5 өрт сөндіру бөлімінен 2 техникамен 8 қызметкер жұмылдырылды.
Жылдам ақпарат алу үшін Facebook, Instagram желілері мен Telegram каналымызға жазылыңыз!