Құқықтық сауатты арттыру құр білім болып қалмайды. Бұл бағытта ҚАЖ департаментіне қарасты №68 мекемесі шаруашылық бөліміне қалдырылған жазасын өтеушілерді қолдау шараларын ұйымдастыруды үзген емес. «Жігер» Қызылорда облыстық мүгедектерінің қоғамдық қорымен бірлесе отырып, келелі кездесу өткізгені сөзімізге тұздық.
Яғни, жазасын өтеуші азаматтарға заңға енгізілген өзгерістер бойынша түсіндірме жұмысы жүргізіліп, өзекті сұрақтарға жауап та берілді. Пайдалы кеңестің соңы мерекелік көңіл-күйге ұласқаны тағы бар. Ұлыстың ұлы күнінде ұлттық ойындардан сайыс өткізгені ұтымды шешім.
Сайыс барысында әрқайсысы қабілеті мен шеберлігін көрсете білді. Ал, нәтижесі бойынша жеңімпаздар марапатталып, қор атынан арнайы сыйлықтар тарту етілді. Игілікке иек артқан мұндай бастамалар тұралап қалмауға негіз.
Жылдам ақпарат алу үшін Facebook, Instagram желілері мен Telegram каналымызға жазылыңыз!