Танымал мобилограф Қыран Талапбек озат шәкірт тәрбиелегені үшін Ішкі істер министрлігінің медалімен марапатталды. Бұл туралы Stan.kz ақпарат агенттігі хабарлайды.
Қыранның айтуынша, мобилография курсын оқыған шәкірті Ішкі істер министрлігінде қызмет етеді.
“Бүгін таңның атысымен мені полицияға шақырды. “Не жағдай?” деп түсінбей барсам, одан да бетер таңғалдым. Маған Ішкі істер министрлігінен медаль берді. Ешқадай суға батқан адамды құтқармап едім, қыздың сөмкесін ұрлаған ұрыны ұстамап едім. Сөйтсем бәрінің сыры мынада екен. Қысқасы, Қайсар есімді жігіт 2020 жылдан бері мобилография курсын өткен. Менің оқушым. Қайсар қазір өзінің мобилограф шеберлігінің арқасында Ішкі істер министрлігіне үлкен үлес қосып, керемет контент жасап жүр. Шәкіртім полиция мобилографы. Осыдан екі-үш жыл бұрын “Барлық жерде бір-бір мобилограф болады” деп айтып едім. Ал маған бұл медальді Қайсардай мықты әрі нәтижелі шәкірт тәрбиелеп шыққаным үшін берілді. Құрметі үшін рахмет! Түрім медаль тағатын адамға ұқсамаса да, медальмен түрім осындай”, – дейді Қыран Талапбек.
Жылдам ақпарат алу үшін Facebook, Instagram желілері мен Telegram каналымызға жазылыңыз!