Қызылорда облысы бойынша ҚАЖ департаментінің №37 мекемесі сотталғандарды жұмыспен қамтуды басты назарда ұстайды.
Жуырда жұмысқа орналасқан 5 сотталған қала ішіндегі жеке кәсіпкерде келісім шарт арқылы жұмыс жасайды. Олар ағаштан үй жиһаздарын жасаумен айналысады. Осы мекемедегі сотталғандардың еңбегін ұйымдастыру бөлімінің инспекторы Естай Шаметтің айтуынша, жазасын өтеушілердің еңбекке жарамдылары толықтай жұмыспен қамтылған.
Қала ішінде жеке кәсіпкерлерде жұмыс жасайтын сотталғандарды жұмыс орындарынан күнделікті мекеменің сотталғандардың еңбегін ұйымдастыру бөлімінің қызметкерлері тексеру жұмыстарын жүргізеді. Сондай-ақ таңертең жұмысқа шығар уақытта да жұмыс кезіндегі техникалық ережелерді сақтау керектігі де түсіндіріледі. Сотталғандарды жұмыспен қамту оларды қылмыстық ортадан алшақтатуға және бостандыққа шыққаннан кейінгі өмірде бейімдеуге мүмкіндік береді. Мекеме әкімшілігі сотталғандарды толық жұмыспен қамту арқылы олардың мемлекет, жеке тұлға алдындағы шығынын өтеуге көмектеседі,- дейді әлідет лейтенанты Естай Шамет.
Ағаштан түйін түйген сотталғандар арасында бұрын ағаш ұстасы болған А. есімді азамат бар екен. Оның айтуынша абайсызда жол-көлік оқиғасын жасап сот үкімімен 3 жылға бас бостандығынан айырылған . Жақында ғана жұмысқа орналасқан сотталған үй жиһаздарын бір кісідей жасап жатыр.
-Барлығы тапсырыспен жасалады. Жиһазға қажетті заттарды жеке кәсіпкер алып береді. Біз уақытылы тапсырысын орындап дайындап қоямыз. Уақытымды бос өткізгенше, қолымнан келетін жұмысты мекеме әкімшілігіне айтқанмын, жұмысқа орналастырды. Ойым да бөлініп, отбасыма да жалақымнан жіберіп тұратын болдым. Мекеме әкімшілігіне алғысым шексіз»,- дейді соталған азамат.
Жылдам ақпарат алу үшін Facebook, Instagram желілері мен Telegram каналымызға жазылыңыз!